Somoniylar maqbarasi o‘zining badiiy-tarixiy ahamiyati, me'moriy shakl va texnikasining o‘ziga xosligi jihatidan, shubhasiz, O‘rta Osiyo me'morchiligi tarixida birinchi o‘rinni egallaydi. Shuningdek, u bu yerda saqlanib qolgan, butunlay pishiq g‘ishtdan qurilgan birinchi binolardan biridir va ushbu materialning badiiy imkoniyatlari unda o‘zining mukammal timsolini topdi (Xmel'niskiy S. 1992.B. 125).