“Kubraviya”suluki asoschisi, 1221-yilda mo‘g‘ullar bilan kurashda halok bo‘lgan buyuk shayx Najmiddin Kubroning XIII asrdagi maqbarasi mahobatli shakllar bilan ajralmaydi. Bir-biriga qarama-qarshi joylashgan ikki maqbaraning har biri shaklan Bayonqulixon maqbarasiga o‘xshaydi. Ularning har biri ikki gumbazli inshoot bo‘lib — bitta kattaroq gumbaz ibodatxona-ziyoratxona joylashgan xonani qoplaydi, kichikroq ikkinchi gumbaz esa dafn etiladigan joy — go‘rxona hisoblanadi. Maqbaradagi boy gul va o‘simlik naqshlar hamda arab yozuvlari bilan bezatilgan rangli, sirlangan koshinlar bilan qoplangan dahma diqqatni jalb qiladi.
O‘ZBEKISTON SAN’ATI TARIXI Akbar Hakimov
