Сомонийлар мақбараси ўзининг бадиий-тарихий аҳамияти, меъморий шакл ва техникасининг ўзига хослиги жиҳатидан, шубҳасиз, Ўрта Осиё меъморчилиги тарихида биринчи ўринни эгаллайди. Шунингдек, у бу ерда сақланиб қолган, бутунлай пишиқ ғиштдан қурилган биринчи бинолардан биридир ва ушбу материалнинг бадиий имкониятлари унда ўзининг мукаммал тимсолини топди (Хмельницкий С. 1992.Б. 125).
