Хабарингиз бор, Ўзбекистондаги Ислом цивилизацияси маркази ходимлари учун Ўзбекистон халқаро ислом академияси “Ислом иқтисодиёти ва молияси, зиёрат туризми” кафедраси томонидан семинар-тренинг дарслари ташкил этилган. Бугун навбатдаги машғулотлар бўлиб ўтди.

Ўзбекистон ислом санъати жаҳон цивилизациясининг ажралмас қисми грант лойиҳаси илмий ҳодими, сан’атшунослик фанлари бўйича фалсафа доктори (PhD) Машариб Абдуллаева “Ўрта Осиё давлатларининг гиламдўзлик сан’ати” мавзусида олиб боришди.

Семинарда аждодларимиз илмий-ма’навий мероси, дунё сивилизатсиясига қўшган муносиб ҳиссаси, унинг бугунги кундаги аҳамияти ҳамда олимлар томонидан ўрганилаётган муҳим жиҳатлар, олиб борилаётган долзарб тадқиқотлар, ёзма манбаларнинг ўзига хослиги ҳақида ма’лумот берилди.

Шунингдек, гиламдўзлик сан’атининг тарихи, соҳада ҳар бир халқ яратган сан’ат асарининг бир биридан фарқли ва ўхшаш томонлари хусусида сўз юритилди.