3-машғулот. Табаррук ислом динимиз ҳам, ислом цивилизациямиз ҳам энг ёш дин ва энг ёш цивилизация ҳисобланадилар. Инсоният тарихи жуда кўп цивилизацияларни бошидан кечирди. Қадимги Рим, Юнон, Миср, Карфаген, Вавилон, Хитой, Ҳиндистон ва бошқалар. Лекин ислом цивилизацияси Аллоҳнинг ягона Китоби - Қуръони Каримга асосланган ягона цивилизациядир. Ушбу цивилизацияга илк ўрта асрларда Қуръондаги ва ҳадислардаги илм, тинчлик ва бунёдкорликка даъватлардан руҳланган Хитойдан Испаниягача бўлган ҳудудда истиқомат қилган мутафаккирлар ва олимлар асос солдилар. Амир Темур ва темурийлар 14-16 асрларда ислом цивилизациясининг иккинчи босқичи учун шароит яратиб бердилар. Шуни алоҳида қайд қилиш керакки, ислом дини ҳам, ислом цивилизацияси ҳам юксак ахлоқ меёрларига таянади. "Мен гўзал хулқларни янада мукаммалроқ қилиш учун юборилганман", деган эканлар Расулуллоҳ (с.а.в.)